Hakkin mallakar hoto
Getty Images
Ministan kudin Zimbabwe Mthuli Ncube a lokacin da ya isa majalisa domin gabatar da kasafin kudin kasar kwanaki kadan bayan fitar da sabuwar takar dar kudu a ranar 14 ga watan Nuwamba 2019
Matar mataimakin shugaban kasar Zimbabwe Constantino Chiwenga, na hannun jami’an tsaro saboda zarginta ta ta’ammuli da haramtattun kudaden kasashe waje.
Hukumar yaki da cin hanci da rashawar kasar ta ce an tsare Marry Mubaiwa ne a yammacin Asabar. Gobe Litinin ne ake sa ran gurfanar da ita a gaban kotu.
Tuhumar da ake wa Marry ta hada da batun sayen motocin alfarma guda biyu da ta yi a Afirka ta Kudu.
Rahotanni na cewa Marry na bin wata kazamar hanyar neman rabuwa da mijinta, wanda aka jima ana ganinsa a matsayin babbar barazana ga shugaba Emmerson Mnangagwa a siyasance.
Shugaba Mnangagwa na fuskantar karin matsin lamba a kan matsalar tattalin arzikin kasar, kuma ya yi alkawarin magance matsalar cin hanci da rashawa.
