‘Yan sanda a jihar Bauchi sun yi nasarar cafke wasu mutane tara da ake zargi da aikata laifin fashi da makami da addabar mazauna jihar.
Kakakin rundunar ‘yan sandan SP Ahmed Wakil ne ya bayyana hakan a cikin wata sanarwa da ya raba wa manema labarai ranar Laraba a Bauchi.
Ya kara da cewa, an samu nasarar cafke wadanda ake zargin ne ta hanyar bajintar kokarin hadin gwiwa na Operation Restore Peace, ORP, da Rapid Response Squad, RRS, na rundunar.
Wakili ya ce, “Game fa aikin sahihan bayanan sirri game da ayyukan kungiyar ‘yan fashi da makami a yankin jami’an suka dauki matakin gaggawa.
“Kungiyoyin sun kasance a karkashin jerin sunayen da ƴan sanda suke son kamawa saboda hannu a fashi da makami.
“A ranar 13 ga Agusta, 2023, da misalin karfe 15:03, ORP ta kama wasu mutane uku da ake zargin ‘yan fashi da makami ne da suka addabi yankin Bauchi.”
Ya kara da cewa kwamishinan ‘yan sandan jihar Bauchi ya umurci mutanensa da su ci gaba da gudanar da bincike kan irin wadannan miyagun ayyuka a jihar.
