Haɗaɗɗiyar Daular Larabawa (UAE) ta bayyana aniyarta ta ficewa daga ƙungiyar ƙasashe masu arzikin man fetur ta OPEC bayan shafe sama da shekaru 60 tana cikinta.
Gwamnatin ƙasar ta ce matakin ya dace da manufofinta na dogon lokaci a ɓangaren tattalin arziƙi da kuma sauye-sauyen da ake samu a harkar makamashi.
Wasu masana harkokin makamashi na ganin cewa ficewar na iya kawo tsaiko ga ayyukan ƙungiyar, inda wani mai sharhi ya ce, “wannan na nuna alamun soma rugujewar Opec”.
Ministan makamashi na ƙasar ya bayyana cewa UAE za ta fi cin gajiyar kanta idan ba ta ƙarƙashin wasu ƙa’idojin ƙungiyar ba.
An kafa ƙungiyar OPEC ne a shekarar 1960 daga ƙasashe biyar da suka haɗa da Iran da Iraqi da Kuwait da Saudiyya da Venezuela, domin tsara sarrafa man fetur da kare muradun mambobinta. UAE ta shiga ƙungiyar a 1967, kuma ficewarta zai rage yawan mambobin ƙungiyar zuwa 11.
Ƙasar UAE Ta Fice Daga Ƙungiyar OPEC Bayan Shekaru Sama Da 60
