Yau ake bude makarantu a wasu jihohin Najeriya

Dalibai a aji

Bayan kwashe sama da wata shida sakamakon cutar korona, wasu jihohin Najeriya za su buɗe azuzuwa a yau don ci gaba da karatu.

Jihohin Kebbi da Kwara da kuma Katsina,na daga cikin jihohin da zasu bude makarantun a yau don ci gaba da karatu.

Za a bude makarantun firamare da sakandire na gwamnati da kuma masu zaman kansu ne cikin tsauraran matakan kariya saboda cutar korona.

Kwamishinan ilimi na jihar Katsina, Dakta Badamasi Lawal, ya shaida wa BBC cewa, an yi feshin kashe kwayoyin cututtuka a makarantu, sannan an tanadi wuraren wanke hannu, sannan kuma dole ne dalibai da malamai su rinka sanya takunkumin fuska.

Kwamishinan ya ce, an kuma raba zuwan dalibai makaranta, inda wasu zasu rinka zuwa da safe wasu kuma da yamma saboda ana so a rinka bayar tazara a tsakanin dalibai a kowanne aji.

Tuni dai kungiyar iyayen yara da malamai ta jihar Katsinan ta nuna farin cikinta game da komawar daliban makaranta.

Shi ma kwamishinan ilimi na jihar Kebbi Alhaji Muhammadu Magawatan Aleiro, ya shaida wa BBC cewa, suma sun dauki matakan kariya daga cutar korona ciki har da sanya takunkumi da kuma abin wanke hannu.

A nasu bangaren, daliban wadannan jihohi da zasu koma karatu a yau Litinin 5 ga watan Oktoba, sun bayyana farin cikinsu game da komawar ta su, inda wasu daga cikinsu ke cewa komawar tasu zata rage musu zaman banza.

A ranar Jumma’ar data gabata ne gwamnatin Najeriya ta bayar da sanarwar cewa za a bude makarantun daga ranar 12 ga watan Oktoban, 2020 bayan shafe sama da wata shida da rufe makarantun saboda bullar cutar korona.

Watanni shida da suka gabata ne hukumomi a Najeriya suka rufe makarantu a dukkanin fadin kasar saboda fargabar yaduwar annobar korona.

More News

An ji ƙarar harbe-harbe a fadar Sarkin Kano

A daren ranar litinin ne aka bayar da rahoton jin harbin bindiga a kusa da karamar fadar inda hambararren Sarkin Kano, Aminu Ado Bayero,...

Ministan shari’a nason INEC ta riƙa shirya zaɓen ƙananan hukumomi

Babban lauyan gwamnatin tarayya kuma ministan shari'a, Lateef Fagbemi ya yi kira da a soke hukumar zaɓen jihohi masu zaman kansu. Da yake magana a...

Kotu ta hana Aminu Ado ayyana kansa a matsayin Sarkin Kano

Babbar Kotun jihar Kano ta hana Aminu Ado Bayero ayyana kansa a  matsayin Sarkin Kano har sai ta kammala sauraron ƙarar dake gabanta. Kotun ta...

NDLEA ta kama wani ɗan kasuwa da ya haɗiye ƙunshi 111 na hodar ibilis  a filin jirgin saman Abuja

Jami'an Hukumar NDLEA dake yaƙi da hana sha da fataucin miyagun ƙwayoyi  sun kama wani mutum mai suna Emmanuel Orjinze wani ɗan kasuwa akan...