Okolie Lawrence da Akingbaso Olarenwaju yan majalisar wakilai biyu sun canza sheka ya zuwa jam’iyar APC.
Tajuddeen Abbas shugaban majalisar shi ne ya sanar da sauya shekar ta su cikin wata takarda da ya karanta a zaman majalisar na ranar Laraba.
Lawrence na wakiltar kananan hukumomin Aniocha north/Aniocha south/Oshimili north/Oshimili south a jihar Delta karkashin jam’iyar Labour Party.
Dan majalisar ya ce sauya shekar ta sa za ta bashi dama ya kawo ayyukan gwamnati kusa da jama’arsa.
Olarenwaju wanda tsohon dan jam’iyar PDP ne na wakiltar kananan hukumomin Idanre/Ifedore a majalisar.
Ya alakanta sauya shekar ta sa da rikicin dake cikin jam’iyar PDP.
