CSP Haruna Abdulmalik DPO na yan sanda dake karamar hukumar Nasarawa Eggon a jihar Nasarawa ya fada hannun masu garkuwa da mutane.
Babban jami’in ɗan sandan na gudanar da aikin sintiri da daddare akan hanyar Nasarawa-Eggon zuwa Akwanga lokacin da yayi kacibus da yan bindigar da suka rika harbin iska ba kaƙƙautawa kafin su yi awon gaba da shi zuwa wani wuri da ba a sani ba
An ce DPO ya samu bayanin yadda ƴan bindiga suke addabar yankin Nassarawa Eggon a yayin da ya ke kokarin shawo kan lamarin sai aka sace shi.
Wasu mutane dake yankin sun bayyana damuwarsu kan faruwar lamarin inda suka ce tun bayan da aka tura shi yankin yake ta ƙoƙarin ganin ya raba su da yan ta’addan da suka addabesu.
