Jami’an yan sanda a jihar Ribas sun sake kama karin wasu mutane biyu dake da hannu a kisan DPO din yan sanda,SP Bako Angbashim na Ahoada a shekarar 2023.
Mutanen biyu da aka bayyana da Lovegod Goodluck da Precious Olumini sun kasance mambobi a kungiyar yan daba ta rikakakken dan daba marigayi 2Baba Iceland.
An kama mutanen ne a tsakanin watan Mayu ya zuwa 13 ga watan Yuni na shekarar 2025 a maboyarsu.
A ranar 8 ga watan Satumba na shekarar 2023 Iceland da mutanensa su kashe SP Bako a wani harin kwanton bauna da su ka kai masa.
Jim kadan da faruwar lamarin aka kama wasu mutanen dake da hannu a kisan.
Mai magana da yawun rundunar yan sanda a jihar Rivers, SP Grace Iringe Kokoh a wata sanarwa da ta fitar ranar Talata ta ce jami’an yan sanda sun yi amfani da bayanan sirri wajen kama mutane biyun ciki har da wanda ya tsere daga hannun jami’an tsaro.
