Hukumomin tsaro a kasar Sweden sun ba da rahoton tabarbarewar yanayin tsaro a kasar, bayan da aka ce an amince da kona kur’ani mai tsarki a kasar.
Wannan hukunci da aka yanke watanni tara da suka gabata, ba wai kawai ya janyo suka daga kasashen duniya ba ne, har ma ya janyo asarar kusan dalar Amurka 200,000 a cewar wani rahoto na baya-bayan nan daga wata kafar yada labarai ta kasar.
Wannan mataki na kona kur’ani mai tsarki da wasu mutane da suka hada da dan siyasar kasar Denmark Rasmus Paludan da dan gudun hijira dan kasar Iraqi Salwan Momika suka aiwatar, ya haifar da gagarumin tasiri na kudi.
An bayar da rahoton cewa, Sweden ta yi asarar krona miliyan 2.2 (daidai da dala 199,300) saboda irin wadannan munanan ayyuka, kamar yadda gidan rediyon Sveriges ya tabbatar.
Abubuwan da ake ta cece-kuce a kan kona kur’ani ya sanya ‘yan sanda sun kara yawan jami’an tsaro da kuma shiga tsakani don tabbatar da tsaro, kamar yadda rahoton da gidan rediyon ya bayyana.
