Sojojin Sun Gano Wurin Ƙera Bindiga A Jihar Filato

Sojojin rundunar samar da tsaro a jihar Filato ta Operation Safe Haven sun bankaɗo wata haramtacciyar masana’antar ƙera makamai dake ƙauyen Pakachi a ƙaramar hukumar Mangu ta jihar Filato.

Jami’in ƴada labarai na rundunar, James Oya ya ce sojojin sun gano makamai da dama da kuma harsasai tare da kama mutum guda a farmakin da suka kai masana’antar.

Oya ya ce an samu nasarar gano masana’antar ne sakamakon cigaba da jajircewa da rundunar take na raba jihar da duk wasu ɓata gari dake tayar da zaune tsaye.

Ya ce an gano wurin ne a wani saman tsauni dake kauyen na Pakachi.

Ya ƙara da cewa wanda ake zargin shi ne mai masana’antar ya cika wandonsa da iska amma na cigaba kokarin ganin an kamo shi domin ya fuskanci hukunci.

Bindigogin da aka gano a wurin sun haɗa da AK-47 guda biyar da kuma ƙaramar bindiga ƙirar Pistol guda 11.

More News

APC ta dakatar da Ganduje a matakin gunduma

Mambobin jam'iyyar APC a mazabar da ke Karamar Hukumar Dawakin Tofa a Jihar Kano sun dakatar da Shugaban Jam’iyyar APC na kasa Abdullahi Ganduje. ...

Yadda rikici a kan gishirin N20 ya yi sanadiyyar mutuwar wani mutum a Kano

Wani magidanci mai suna Zakari Hamza mai shekaru 45, ya gamu da ajalinsa a hannun kanen matarsa, wani Magaji Salisu saboda gishirin N20. Dan marigayin,...

Sojoji Sun Kashe Mayaƙan IPOB 5

Dakarun rundunar sojan Najeriya da kuma ta rundunar sojan ruwan Najeriya a ranar Talata sun kashe mayaƙan ƙungiyar IPOB guda biyar a yayin musayar...

Ɗan agajin Izala ya samu lambar yabo, kujerar hajji, kyautar mota bayan ya tsinci naira miliyan 100 ya mayar wa mai su

Salihu AbdulHadi Kankia, mamba ne na kungiyar agaji ta kungiyar Jama’atu Izalatil Bid’ah Wa Iqamatus Sunnah (JIBWIS), ya samu yabo da tukuicin mayar da...