Dakarun Operation Hadarin Daji sun ceto mutane 24 da aka yi garkuwa da su tare da kawar da masu garkuwa da mutane a jihar Zamfara.
Hakan ya fito ne a cikin wata sanarwa da Daraktan hulda da jama’a na rundunar, Birgediya Janar Onyema Nwachukwu ya sanya wa hannu inda ya ce lamarin ya faru ne a lokacin da dakarun bataliya ta 223 da ke aiki a karkashin sashe na 1 na rundunar hadin gwiwa ta Operation Arewa maso Yamma Hadarin Daji suka kai dauki.
Ya ce sojojin sun yi musayar wuta da ‘yan bindigar, inda suka kashe 4 daga cikinsu tare da kubutar da 24 daga cikin wadanda aka sace.
“Rundunar sojojin da ke karkashin kwamandan Bataliya, sun yi wa ‘yan bindigar dirar mikiya, inda suka halaka 4 daga cikinsu a wani kazamin fadan wuta da ya barke.
