Shekara Guda Kenan Wadanda Ibtila’i Ya Fadawa Basu Ga Tallafin Da Aka Tara Musu Ba

VOA Hausa

A jihar Bauchi kimanin shekara guda kenan da aka samu ibtila’in ruwa da gobara a garuruwan Bauchi da Azare da ya yi sanadiyar rasa rayukan mutane uku da kuma raunata wasu mutane da dama.

To sai dai tun wancan lokacin mutanen da ibtila’in ya shafa suke zaman jira da zuba ido domin karbar tallafin da hukumomi da gwamnatoci da kuma mutane suka aika masu, amma shuru kake ji kamar an shuka dusa.

Tallafin da aka bayar domin a baiwa jama’ar da ibtila’in ta shafa, sun hada da Tirelolin kayan abinci da kuma miliyoyin Naira da gwamnatin jihar Gombe ta bayar da kuma Naira Miliyan goma da tsohon mataimakin shugaban kasa Atiku Abubakar ya bada, sai kuma Naira miliyan hamsin da hukumar albarkatun Man Fetur NNPC ta bayar.

Tsohon gwamnan jihar Gombe Ibrahim Hassan Dankwambo ya bayar da tallafi kayan abinci da suka hada da tirela guda ta shinkafa da kuma tirela guda ta masara da kuma kudi Naira miliyan goma.

Sai dai wasu da wannan masifa ta shafa sunce ko da kwano guda na hatsi basu gani ba, balle a yi maganar kudi.

Kan wannan batu ne Muryar Amurka ta tuntubi shugaban kwamitin raba kayan, farfesa Garba Aliyu Babaji, wanda ya ce an bayar da kayan ta hannun masu unguwanni domin rabawa.

Tsohon kwamishinan harkokin addini, Alhaji Ado Sarkin Aska, ya ce game da kudaden da tsohon mataimakin shugaban kasa Atiku Abubakar da tsohon gwamnan jihar Gombe Ibrahim Hassan Dankwambo suka bayar akwai ayar tambaya a kansu.

More News

Buhari ya rantsar da sabon Alkalin Alkalai

Shugaban kasa, Muhammad Buhari ya rantsar da mai shari'a, Olukayode Ariwoola a matsayin, babban Alkalin Alkalai na Najeriya. Hakan na zuwa ne biyo bayan murabus...

‘Kyale kowa ya mallaki makami a Zamfara na da haɗari’

Masana a harkar tsaro sun bayyana cewa matakin da gwamnatin jihar Zamfara da ke Najeriya ta dauka na kyale farar-hula su mallaki bindiga yana...

Hotunan Daurin Auren Dan Gwamnan Nasarawa

Manyan baki da dama ne ciki har da mataimakin shugaban kasa, Yemi Osinbajo suka halarci daurin auren dangidan gwamnan jihar Nasarawa, Abdullahi Sule da...

Hotunan Daurin Auren Dan Gwamnan Nasarawa

Manyan baki da dama ne ciki har da mataimakin shugaban kasa, Yemi Osinbajo suka halarci daurin auren dangidan gwamnan jihar Nasarawa, Abdullahi Sule da...