Sanusi ya sake zama Sarkin Kano

Shekaru hudu bayan sauke Muhammadu Sanusi II daga matsayin Sarkin Kano, Gwamna Abba Yusuf, na jihar Kano ya mayar da shi kan karagar mulki.

Gwamnan ya sanar da hakan ne a dakin taro na Art Chamber na gidan gwamnatin jihar Kano, da misalin karfe 5:16 na yammacin ranar Alhamis, bayan ya sanya hannu a kan kudirin dokar majalisar masarautun jihar Kano (Repeal) na shekarar 2024.