Jagoran jam’iyyar NNPP na kasa, Engr Rabi’u Musa Kwankwaso a ranar Lahadi ya karbi bakuncin tsohon gwamnan jihar Anambra kuma ɗan takarar shugaban ƙasa ƙarƙashin jam’iyar Labour Party a zaɓen 2023,Peter Obi a gidansa dake Kano.
Sauran yan siyasar dake tare da Obi a yayin ziyarar sun haɗa da gwamnan jihar Oyo, Seyi Makinde da kuma tsohon gwamnan jihar Bayelsa, Seriake Dickson.
Kwankwaso ya watsa hotunan ziyarar a shafukansa na soshiyal midiya.
“Na yi farin cikin karbar bakuncin masu girma, Peter Obi, Seyi Makinde da Seriake Dickson a gidana dake Kano a lokacin shagulgulan bikin Sallah. Ina kowa fatan zaman lafiya, rahama da yalwar arziki,” a cewar sakon da ya wallafa a shafin sa na Facebook.
A yan kwanakin nan dai ana cigaba da raɗe-raɗin cewa Kwankwaso na shirye-shiryen komawa jam’iyar ADC.
