Peter ObiTsohon gwamnan jihar Anambra kuma mutumin da ya yiwa jam’iyyar LP takarar shugaban kasa a zaɓen 2023 ya kai ziyarar jaje Kasuwar Dinga dake Kano biyo bayan gobarar da aka yi a wani sashe na kasuwar.
A yayin ziyarar jajen Peter Obi na tare da abokanai da magoya bayansa ya zagaya kasuwar inda ya jajantawa yan kasuwar kan asarar da suka yi.
Da yake yi yan kasuwar jaje Obi ya bayyana cewa ya zo kasuwar ne domin ya ganewa idonsa irin barnar da gobarar ta yi.
“Wannan babbar asara ce kana iya ganin da kayan mutane dake ciki wannan babbar asara ce ga masu kayan, ga jihar Kano dama Najeriya baki ɗaya,” a cewar Obi.
Da yake magana a madadin yan kasuwar shugaban kungiyar kasuwar, Alhaji Junaidu Muhammad ya godewa Obi da yan tawagarsa kan ziyarar da su ka kawo.
