Mai neman kujerar shugaban kasa a karkashin jam’iyyar Labour Party, Peter Obi da mataimakinsa, Datti Ahmad sun ziyarci tsohon shugaban kasa, Olusegun Obasanjo a gidansa dake Abeokuta babban birnin jihar Ogun.
Yan siyasar biyu sun gana da Obasanjo tare da shugaban jam’iyyar na ƙasa,Julius Abure da kuma shugaban Cocin Trinity House, Ituah Ighodalo.
Kawo yanzu dai babu wata sanarwa da ta fito daga bakin bangarorin biyu kan abun da aka tattauna a yayin ganawar.
Ba wannan ne karo na farko ba da wasu manyan yan siyasa ke ziyartar neman tabarraki wurin tsohon shugaban kasar.
