Miyetti Allah ta nemi a cafke Sunday Igboho saboda barazanar yaƙar Fulani

Kungiyar Miyetti Allah Cattle Breeders Association of Nigeria, MACBAN, ta yi kira da a damke wani dan kabilar Yarbawa, Sunday Adeyemo, wanda aka fi sani da Sunday Igboho, bisa zargin yi wa Fulani barazana a wani faifan bidiyo.

A ranar Litinin, dan a-waren ya shaida wa magoya bayansa cewa kada su jira gwamnatin kasar kafin ta dauki matakin yaki da Fulani makiyaya, wadanda ya yi zargin suna hana manoman yankin shiga gonakinsu a yankin Kudu maso Yamma.

“Wannan yanki ne namu. Mu kubutar da kanmu daga hannun Fulani. Ya kamata mu sanya tsaro a duk ƙasar Yarbawa. Ba mu buƙatar jiran kowa, har da gwamnati. Idan da gaske muke yi , bai kamata mu jira gwamnati ba, in ba haka ba Fulani za su ƙwace filayenmu gaba daya. Ya kamata mu kasance da haɗin kai. Wadanne gonaki ne muke da su kuma a kasar Yarbawa?  Za mu iya zuwa gona a yanzu?”, Mista Igboho ya ce.

Da yake mayar da martani ga sanarwar, shugaban kungiyar ta MACBAN na kasa, Baba Othman Ngelzarma, ya yi kira da a kama Mista Igboho tare da gurfanar da shi a gaban kuliya saboda ya yi “kalamai na cin amanar ƙasa.”

More News

Mutane 11 Sun Mutu A Wani Hatsarin Mota A Kano

Mutanen da basu gaza 11 ne ba aka tabbatar da sun mutu a yayin da wasu 16 suka jikkata mutum ɗaya kuma ya tsira...

Ƙasar Amurika ta fara shirin kwashe sojojinta daga Nijar

Gwamnatin kasar Amurka ta fara shirin janye dakarunta daga jamhuriyar Nijar kamar yadda kafar yaɗa labarai ta CBS ta bada rahoto. Wani jami'in ma'aikatar wajen...

Sojoji sun kashe ƴan ta’adda biyu tare da gano makamai a jihar Borno

Dakarun rundunar sojan Najeriya sun kashe wasu ƴan ta'adda biyu a ƙauyen Kana dake ƙaramar hukumar Biu ta jihar Borno. A wata sanarwa ranar Asabar...

An halaka mutane 6 a wani faɗa tsakanin ƴanbindiga da ƴanbanga

Mutane 6 ne suka rasa rayukansu a wata arangama da aka yi tsakanin ‘yan bindiga da ’yan banga da aka fi sani da ‘Yan...