Gwamnan jihar Kogi, Usman Ododoh ya jagoranci wasu matasa daga jiharsa inda su ka mikawa jam’iyar APC naira miliyan 100 kuɗin fom ɗin takarar shugaban kasa, Bola Ahmad Tinubu a zaben 2027.
Kuɗin ana sa ran za su sayi fom ɗin takarar shugaban ƙasa da kuma biyan kuɗin na gani ina so a lokacin zaben fidda gwani.
Da yake karbar cak din banki na kuɗin shugaban jam’iyar APC na kasa, Nentawe Yilwatda ya shawarci sauran ƙungiyoyin dama dai-daikun mutane dake da tunanin sayawa shugaban kasa Tinubu fom ɗin saka tsayawa takara da su jingine wannan batu a gefe.
Ya ce ƙungiyar daga jihar Kogi su ne na biyu da suka nuna sha’awar sayawa shugaban ƙasa fom ɗin takarar.
Amma kuma ya ce har yanzu kungiyar ta farko basu bayar da kuɗi ba.
