A ranar Laraba ne wata babbar kotun tarayya da ke zamanta a Legas ta umarci gwamnatin tarayya da ta tsayar da farashin kayayyaki da na man fetur cikin kwanaki bakwai.
Mai shari’a Ambrose Lewis-Allagoa ya umarci gwamnati da ta gyara farashin madara, fulawa, gishiri, sukari, kekuna, da kayayyakinsu, ashana, babura da kayayyakinsu, motoci da kayan aikinsu da kuma kayayyakin man fetur, wanda ya hada da dizal, da kananzir.
Alkalin ya bayar da umarnin ne a lokacin da yake yanke hukunci a wata kara mai lamba FHC/L/CS/869/2023 da mai rajin kare hakkin dan Adam, Mista Femi Falana, ya shigar a kan hukumar kula da farashin kayayyaki da kuma babban lauyan gwamnatin tarayya, wanda aka lissafa a matsayin wadanda ake tuhuma na daya da na biyu.
