Wata babbar kotun tarayya da ke Abuja ta bayar da belin tsohon kwamandan rundunar ‘yan sandan farin kaya DCP Abba Kyari na tsawon makonni biyu bayan ya shafe watanni 27 yana tsare.
Ana sa ran Kyari zai kammala bikin binne mahaifiyarsa, Yachilla Kyari.
Daga nan ne kotun ta sanya ranar Juma’a, 31 ga watan Mayu, domin tantance bukatar neman belinsa a shari’ar da ake yi kan tuhume-tuhumen da hukumar yaki da fataucin miyagun kwayoyi ta kasa ta shigar bayan kama shi shekaru biyu da suka gabata a ranar 14 ga Fabrairu, 2022.
Ku tuna cewa mahaifiyar ta rasu ne da sanyin safiyar Lahadi, 5 ga Mayu, 2024, kuma ta rasu ta bar ‘ya’ya 10 (maza biyar da mata biyar), ciki har da Abba, wanda shi ne babban ɗa.
Yayin da Abba Kyari bai samu damar halartar jana’izar mahaifiyarsa ba, mazauna jihar Borno sun fito da dama domin yi wa Yachilla janaza, wanda aka yi jana’izarta kamar yadda addinin Musulunci ya tanada a wannan rana, a shekarar 2022.
Hukumar ‘yan sanda ta dakatar da Kyari da manyan jami’an ‘yan sanda biyu – Sunday Ubua da James Bawa – bisa zargin cinikin hodar iblis.
