Gwamnan jihar Zamfara Dauda Lawal ya musanta rahotannin da ke cewa gwamnatinsa ta kashe naira miliyan 400 wajen tafiye-tafiyen gida da waje.
Gwamnan ya bayyana rahotannin da suka biyo bayan zargin da jam’iyyar All Progressives Congress (APC) ta yi na siyasa.
A cewar Lawal, jam’iyyar adawa tana neman wata hanya ce kawai don yin Allah wadai da gwamnatinsa a gaban al’ummar jihar.
Gwamnan ya bayyana haka ne ta bakin mai magana da yawun sa Suleiman Bala Idris.
Sanarwar ta kuma bayyana cewa, wata jarida ta yanar gizo ta yi kuskure ta ruwaito cewa gwamnan ya kashe naira 170,276,294.31 kan tafiye-tafiye da sufuri na kasa da kasa, N221,567,094 kan tafiye-tafiyen cikin gida, da kuma Naira 6,929,500.00 kan tsaro na sirri cikin watanni uku.
A cewar sanarwar, wannan lamari ya samo asali ne daga kuskuren fassarar bayanan kasafin kudi da aka yi shi da ganganci, inda ta kara da cewa kashi na daya da na biyu da na uku sun fada karkashin gwamnatin da ta shude.
