Hakkin mallakar hoto
AFP
Dutsen ya fara aman wuta tun ranar Litinin
Yan sanda a New Zealand sun ce har yanzu babu wata alamar cewa mummunan yanayin da ake ciki a tsibirin White Island ya canza a kan haka ba za a iya gudanar da aikin ceto sauran wadanda suka makale a tsibirin ba, bayan fashewar dutse mai aman wuta ranar Litinin.
Sufetan ‘yan sandan Bruce Bird ya fada wa ‘yan jarida cewa suna ci gaba da duba yiwuwar shiga tsibirin da zarar sun samu dama.
Tun farko fira minista Jacinda Arden ta ce tana fatan ganin ‘yan sanda sun samu shiga yankin.
Hakkin mallakar hoto
Google
Ta kara da cewa babban abin da ke gaban masu aikin ceton a yanzu shi ne su ga cewa an ceto rayukan wadanda suka jikkata da ke asibitoci daban-daban da ke fadin New Zealand.
Hakkin mallakar hoto
Michael Schade
Munin yanayi ya hana jami’ai shiga cikin tsibirin
To amma ministan rundunar ‘yan sandan New Zealand ya sanar da cewa har yanzu akwai gurbataccen hayaki da ke ci gaba da bazuwa a tsibirin.
Kawo yanzu an tabbatar da mutuwar mutane shida kuma gwammai sun jikkata, yayin da ake kan neman wasu da dama.
