Hakkin mallakar hoto
Reuters
Brazil ta zama kasa ta biyu bayan Amurka da fiye da mutum 50,000 suka mutu a sanadiyyar annobar korona, kuma cikinsu mutum 641 ne suka rasa rayukansu cikin sa’a 24 da ta gabata kamar yadda ma’aikatar lafiya ta kasar ta sanar.
Kasar ta kuma sami wasu mutum 17,459 da suka kamu da cutar a ranar Lahadi kawai – inda masu dauke da cutar suka zarce miliyan daya a karon farko a kasar.
Brazil ta kafa tarihi a karo biyu – tarihi na kaurin suna wanda babu mai son kafa irinsa.
Amma duk da wannan koma bayan, Shugabn kaar Jair Bosonaro ya ki sauya manufofinsa – inda ya daina cewa uffan game da wadanda suka mutu.
A madadin haka sai nanata wani kira yake yi cewa tilas kasar ta koma bakin aiki domin tattalin arzikin kasar ya farfado.
Hakkin mallakar hoto
EPA
Amma babu yadda za a iya komawa yadda ake a da a kasar da fiye da mutum miliyan daya ke dauke da cutar kuma fiye da mutum dubu hamsin sun riga mu gidan gaskiya.
Brazil na tsaka mai wuya – musamman ganin cewa yawancin #yan kasar na kokawa da rashin irin shugaban da kasar ke bukata da zai jagorance ta zuwa ga gaci.
Sannan kuma cutar sai kara habaka cikin al;umma ta ke yi yayin da shugaban kasar ke nuna batutuwa na siyasa da tattalin arziki ne suka fi damunsa ba lafiyar al’ummar da yake shugabanta ba.
