Asalin hoton, Getty Images
Ruth Bader Ginsburg
Alkaliyar alkalan kotun koli ta Amurka Ruth Bader Ginsburg ta mutu tana da shekaru tamanin da bakwai.
Ta kwashe tsawon lokaci tana fama da cutar kansa.
Tuni aka fara muhawa kan ko shugaba Trump na da damar maye gurbinta gabanin zaben kasar da za a yi a watan Nuwamba.
Bayanai sun ce tuni wasu rahotannin bayan fage daga fadar White House ke cewa shugaba Trump zai yi farat daya wajen maye gurbinta kafin zabe da kuma rantsar da duk wanda ya samu nasara a zaben watan Nuwamba.
Shi dai abokin hamayyarsa na jam’iyyarsa Democrat Joe Biden, ya kalubalanci damar da shugaban yake da ita ta maye gurbin alkaliyar.
An yi kasa ka da tutoci a birnin Washington don girmama marigayiyar jim kadan bayan sanar da da mutuwarta,
Jama’a sun taru a wajen kotun koli don bayyana jimaminsu, yayin da suke daga tutocin Amurka da kyandiran aci bal bal suna rera sunanta cikin wake.
