Kungiyar Borussia Dortmund ta dauki Erling Braut Haaland daga Red Bull Salzburg.
Dormund ta cimma yarjejeniyar fam miliyan 17.1, kudin kunshin kwantiraginsa ta barin Red Bull.
Dan kwallon tawagar Norway, mai shekara 19, ya rattaba hannu da kungiyar ta Jamus har zuwa karshen kakar tamaula ta 2024.
Haaland ya koma Salzburg da taka leda daga kungiyar Molde ta Norway a watan Janairu.
Rahotanni sun ce Manchester United da Juventus sun yi zawarcin dan kwallon.
Haaland ya ci kwallo 16 a wasa 14 da ya buga wa Salzburg a bana, har da guda takwas da ya ci a gasar Champions League.
Salzburg ce ta yi ta uku a rukuni na biyar, wanda Liverpool ta yi ta daya.