Barcelona da Bayern: Ba ƴan kallo za a buga wasa tsakanin ƙungiyoyin—BBC Hausa

Robert Lewandowski

Asalin hoton, Getty Images

Bayanan hoto,
Robert Lewandowski

Bayern Munich za ta karɓi baƙwancin Barcelona inda za a buga wasan ba tare da ƴan kallo ba a gasar Champions League a ranar 8 ga watan Disamba a daidai lokacin da ake samun ƙaruwa a adadin masu kamuwa da korona a Bavaria.

A farkon wannan makon ne Shugaban Bavaria, Markus Soder ya bayyana cewa akwai yiwuwar a ɗauki irin wannan matakin, inda ya ce “ƙwallon ƙafa na da rawar da take takawa matuƙa”.

Bayern Munich ta samu nasara a matakin sili ɗaya ƙwale inda ta zama zakara a rukunin E, da kuma karawa tsakanin Barcelona da kuma Benfica domin zuwa mataki na biyu a cikin 16 na ƙarshe.

Barcelona za ta je gaba muddin ta samu nasara.

Sai dai idan aka yi kunnen doki ko kuma aka doke ta, hakan zai ba Benfica nasara a matakin sili ɗaya ƙwale gabannin Barcelona da nasara a ɓangaren Dynamo Kiev.

An ci Barcelona 3-0 a wasanta da Bayern a Nou Camp a watan Satumba, haka kuma zuwan su na ƙarshe zuwa Allianz Arena an ta shi 3-2 a zagayen kusa da na ƙarshe a wasan zagaye na biyu da suka buga a Maris ɗin 2015.

Sai dai Barcelona ta wuce zuwa wasan ƙarshe sakamakon nasarar da ta samu ta 3-0 inda ta doke Juventus a wasan ƙarshe wanda hakan ya sa ta ɗauki kofin Champions League na biyar kuma shi ne na baya-bayan nan.

More News

Bayan fitowa daga gidan yarin Joshua Dariye na shirin tsayawa takarar sanata

Matukar ba a samu sauyi daga baya ba to kuwa tsohon gwamnan jihar Filato, Joshua Dariye zai ayyana aniyarsa ta tsayawa takarar majalisar dattawa...

Duk wanda ya ce Najeriya kalau ta ke to a binciki kansa-Obasanjo

Tsohon shugaban kasa, Olusegun Obasanjo ya ce har yanzu Najeriya ba ta kai matakin da yakamata ace ta kai ba a yanzu. A cewar...

Yan bindiga sun sako karin mutane 7 daga cikin fasinjojin jirgin kasar Abuja zuwa Kaduna

Yan bindiga da suka yi garkuwa da fasinjojin jirgin kasar da ya taso daga Abuja zuwa Kaduna sun kara sako mutanen 7 daga cikin...

Farashin ɗanyen man fetur ya yi kasa a kasuwar duniya

Farashin gangar danyen mai ya fado kasa da dala $95 a ranar Talata. Faduwar tasa na zuwa ne biyo bayan saka ran da ake na...