‘Yan kasuwar man fetur sun ce ba za su iya ci gaba da dakon man fetur a fadin kasar nan ba.
Hakan ya faru ne sakamakon tashin farashin dizal da wadannan ‘yan kasuwa ke amfani da shi wajen sarrafa motocinsu.
Yanzu haka ana siyar da shi a kan N1,100 kan kowace lita a wurare da dama.
‘Yan kasuwar sun ce dole ne gwamnatin tarayya ta sa baki cikin gaggawa domin shawo kan lamarin.
Wannan shi ne matsayin ‘yan kasuwa, a karkashin kungiyar masu samar da mai da iskar gas ta Najeriya, NOGASA.
Sun yi wannan kiran ne a cikin wata sanarwa da shugabansu Benneth Korie ya sanyawa hannu.
