Tsohon mataimakin shugaban kasa, Atiku Abubakar ya yi wata ganawar sirri da tsohon gwamnan jihar Zamfara, Sanata Abdulaziz Yari a birnin tarayya Abuja.
Jaridar Daily Trust ta rawaito cewa ganawar ta gudana ne a gidan Atiku dake Abuja kuma an yi ta ne a sirrance. Dukkanin mutanen biyu Atiku da Yari babu wanda ya yiwa yan jaridu jawabi akan ganawar ko kuma fitar da wata sanarwar kan dalilin ganawar.
Ganawar ta su na zuwa ne a dai-dai lokacin da ake cigaba da raɗe-raɗi kan siyasar zaɓen 2027 ta yadda yan siyasa ke cigaba da tattaunawa da kulla ƙawance don tunkarar zaben 2027.
Atiku wanda ya yiwa jam’iyyar PDP takarar zaɓen shugaban ƙasa a shekarar 2023 yanzu haka ya koma jam’iyyar ADC kuma tuni ya nuna sha’awarsa ta tsayawa takarar shugaban ƙasa a zaɓen 2027.
Ana sa bangaren Yari shi ne sanata dake wakiltar mazabar yammacin Zamfara a majalisar dattawa karkashin jam’iyar APC.
