An Yi Ca Akan Jaridar Sahara Reporters

VOA Hausa

Jaridar Sahara Reporters ta yanar gizo na fuskantar kakkausan suka a shafukan sada zumunta musamman ma a Twitter bayan da ta wallafa wani labari da ke cewa shugaban kungiyar izala a Najeriya Sheikh Bala Lau ya rasu.

Sai dai shugaban ya fito ya musanta lamarin a cikin wani faifan bidiyon da ya karade shafukan sada zumunta.

“Mai kokarin cewa zai wallafa labarin mutuwar wani, idan ya yi hakuri sai ta Allah ta kasance a kan sa.”

“Ni lafiya ta kalau kuma ban san me ya sa suka rubuta wannan labarin ba.”

Wannan al’amari na faruwa ne a daidai lokacin da kungiyar ta Izala ta yi rashin babban malaminta Sheikh Adamu Gashua a jihar Yobe.

A lokacin da Sahara Reporters ta fitar da sanarwar cewa shugaban ya rasu, sun kuma wallafa wasu hotuna inda suka yi ikrarin cewa jana’izar shugaban ne.

Bayan da bidiyon shugaban ya fito, sai suka goge labarin, suka sake wallafa wani sabon labari mai cewa shugaban na nan da rai.

Tuni dai ‘yan Twitter suka yi ta furta kalamai marasa dadi akan jaridar ta Sahara da kuma saka alamar tambaya kan manufar wallafa labarin.

Matasa da dama sun umarci shugaban da ya kai jaridar kotu bisa yadda lamarin ya bata musu rai.

Sai dai shugaban bai ce uffan ba tun bayan da ya aka saki bidiyon nasa.

A cikin ‘yan kwannakin nan jaridar na yawan fuskantar suka bisa sahihancin labaran da take wallafawa.

More News

Buhari ya rantsar da sabon Alkalin Alkalai

Shugaban kasa, Muhammad Buhari ya rantsar da mai shari'a, Olukayode Ariwoola a matsayin, babban Alkalin Alkalai na Najeriya. Hakan na zuwa ne biyo bayan murabus...

‘Kyale kowa ya mallaki makami a Zamfara na da haɗari’

Masana a harkar tsaro sun bayyana cewa matakin da gwamnatin jihar Zamfara da ke Najeriya ta dauka na kyale farar-hula su mallaki bindiga yana...

2023: Tinubu will prevent APC lawmakers from dumping party, Shettima claims

A former Borno State governor, Kashim Shettima has said the presidential candidate of the All Progressives Congress (APC), Asiwaju Bola Tinubu, has nipped the...

Hotunan Daurin Auren Dan Gwamnan Nasarawa

Manyan baki da dama ne ciki har da mataimakin shugaban kasa, Yemi Osinbajo suka halarci daurin auren dangidan gwamnan jihar Nasarawa, Abdullahi Sule da...