An kamo wata kura da ta tsere daga gidan ajiye namun daji dake Jos inda aka mayar da ita inda take.
An shiga zaman zullumi da tsoro a birnin na Jos a ranar Litinin bayan da aka samu rahoton tserewar kurar daga gidan ajiye namun daji dake Dong a ƙaramar hukumar Jos North.
A wata sanarwa ranar Talata,Chuwang Pwajok shugaban hukumar yawon buɗe ido ta jihar Filato ya ce an gano kurar ne bayan an ɗauki lokaci ana nemanta.
Pwajok ya godewa jama’a kan yadda suka kwantar da hankali da kuma bayar da haɗin kai da suka yi wajen neman kurar.
