Wasu ɓatagari da ake kyautata zaton ƴan bangar siyasa ne sun ƙona ofishin hukumar zaɓe mai zaman kanta ta jihar Akwa Ibom dake ƙaramar hakumar Ibiatuk Ibiono a jihar.
Mutanen sun aikata haka ne a dai-dai lokacin da ake gudanar da zaɓen ƙananan hukumomi 31 dake faɗin jihar.
Da ta ke tabbatar da faruwar lamarin a ranar Asabar, Timfon John mai magana da yawun rundunar ƴan sandan jihar Akwa Ibom ta ce ba a samu asarar rayuka ba kuma gobarar bata shafi kayayyakin zaɓe ba.
John ya ƙara da cewa na cigaba da yin bakin ƙoƙarinta wajen ganin an kama tare da hukunta waɗanda suka aikata laifin.
Ta tabbatarwa da ƴan Najeriya cewa zaɓen na cigaba da gudana yadda lami lafiya a kamar yadda aka saba.was
