Kamfanin mai na Najeriya NNPCL ya rage farashin man fetur a gidajen mansa dake Lagos.
A cewar jaridar The Cable ta lura cewa gidajen man kamfanin dake kan titin Idimu sun rage farashin daga ₦960 ya zuwa ₦940 kan kowace lita.
Har ila yau a gidajen man kamfanin dake kan titin Ago Palace, Okota ana sayar da lita guda akan ₦945.
Rage farashin da kamfanin ya yi na zuwa ne ƙasa da makonni uku bayan da kamfanin ya sanar da karin kuɗin man fetur daga ₦925 ya zuwa 960 a gidajen man kamfanin dake Lagos.
Amma kuma farashin man fetur ɗin a gidajen kamfanin na NNPCL dake Abuja yana nan yadda yake bai canza ba .
