Asalin hoton, Getty Images
Manchester United ta yi rashin nasara da ci 3-2 a gidan RB Leipzig a gasar Champions League ranar Talata a Jamus.
Cikin minti 13 aka zura kwallo biyu a ragar United ta hannun Angelino da kuma Amadou Haidara.
A minti na 69 ne Justin Kluivert ya kara kwallo na uku a ragar Manchester United.
Sai a min 80 United ta fara sa kwazo ta zare kwallo daya ta hannun Bruno Fernandes a bugun fenariti, kuma minti biyu tsakani Paul Pogba ya zare na biyu.
United wadda ya kamata ta yi canjaras domin zuwa mataki na biyu ta koma ta uku a cikin rukuni da maki tara.
RB Leipzig ce ta zama ta daya a rukunin na takwas da maki 12.
Kungiyar ta Old Trafford za ta koma buga gasar Europa League, kofin da ta lashe a kakar 2017.
