Ministar Lafiyar Birtaniya, Nadine Dorries ta kamu da cutar Coronavirus, ita ce ‘yar majalisar dokokin kasar ta farko da ta kamu da cutar.
Ministar ta sanar cewa a yanzu ta killace kanta a gida, yayin da hukumomi ke ta kokarin gano inda ta kwaso cutar.
Ko a ranar Alhamis ta halarci wani taron cin abinci da Fira minista Boris Johnson ya shirya a fadar gwamnati da ke titin Downing.
Kusan mutun 400 ne cutar coronavirus ta kama a Birtaniya inda shida suka mutu.
Misis Dorries ta ce ta damu matuka kan makomar lafiyar mahaifiyarta mai shekara tamanin da hudu wadda a yanzu haka suke zaune a gida daya.
