Rundunar ‘yan sandan Najeriya (NPF), ta kama wata mata ‘yar jihar Anambra da ke yi wa mahaifiyarta tsohuwa duka.
An dauki hotonta ne a cikin wani faifan bidiyo tana dukan mahaifiyarta mai shekaru da dama tare da watsa mata bokitin ruwa.
Kakakin rundunar ƴan sanda a Jihar Anambra, Ikenga Tochukwu, ya tabbatar wa manema labarai damke matar a ranar Lahadi.
Tochukwu ya bayyana cewa wanda ake zargin ta yi wa mahaifiyarta mai shekaru 75 bulala.
Ya ce: “An kama wanda ake zargin da yi wa tsohuwa bulala a kai a kai tare da watsa mata ruwa a kwance a kasa, an kama ta kuma an tsare ta domin gurfanar da ita.”
