Wasu yan bindiga da ba a san ko su waye ba sun sace, Boyi Manja shugaban karamar hukumar Takum ta jihar Taraba.
Lamarin ya faru ne a ranar Lahadi a garin Kofai-Ahmadu dake kan hanyar Takum-wukari a jihar.
Yan bindigar sun kuma kashe dogarinsa lokacin da suke ƙoƙarin yin garkuwar.
Mai magana da yawun rundunar yan sandan jihar Taraba, Abdullahi Usman ya tabbatar da faruwar lamarin. Inda ya ce yan sandan na cigaba da bincike dazukan dake yankin domin ceto Manja.
