[ad_1]
Duk da irin kallon da wasu suke wa jami’an ƴansanda na rashin tabuka komai da kuma yadda wasunsu suka kware wajen karbar na goro da kirkiro laifi a ɗorawa mutum bai jaba bai gani ba.
Sai dai ba dukkanin jami’an ƴansanda bane suke da irin wadancan halaye akwai wadanda kirkinsu da kuma yin aiki bisa ka’ida shi kaɗai suka sanya a gaba.
Irin waɗannan ƴansanda ne suka taimakawa wani mutum ya sauya tayar motarsa lokacin da ta yi faci akan babbar gadar nan ta Third Mainland A jihar Lagos.
Bayan sun kammala taimakon nasa jami’an sun juya sun tafi ba tare da sun nemi wani abu daga wurin saba abinda ba kasafai ya fiya faruwa ba a tsakanin jami’an ƴansanda.
A karshe mutumin ya godewa ƴansandan tare da jinjina musu kan wannan hali na kwarai da suka nuna.
[ad_2]