Wata sabuwar gobara ta tashi a yammacin ranar Asabar a shahararriyar Kasuwar Singa da ke cikin birnin Kano, inda ta ƙone kayayyaki na miliyoyin naira.
Rahotanni sun nuna cewa gobarar ta fara ne daga wani babban shagon kayan masarufi kafin ta bazu zuwa sauran sassan kasuwar, lamarin da ya ja hankalin mazauna yankin.
Jami’in hulɗa da jama’a na Hukumar Kashe Gobara ta Jihar Kano, Saminu Abdullahi, ya tabbatar da faruwar lamarin, inda ya ce:
“Gobarar ta fara ne da yammacin yau a yankin Gidan Gashash, kuma ana ci gaba da ƙoƙarin kashe ta domin hana ta bazuwa zuwa sauran sassan kasuwar.
“Hukumar ta riga ta tura jami’anta da motocin kashe gobara zuwa kasuwar.”
Wata Mummunar Gobara Ta Sake Tashi A Kasuwar Singa Da Ke Kano
