Wata mata yar shekaru 26 mai suna, Gift Obieriei, ta cakawa masoyinta wuka mai suna, Eghosa Iguodala har ta kai ya rigamu gidan gaskiya a Benin babban birnin jihar Edo.
Jaridar Dailly Trust ta rawaito cewa tuni jami’an yan sanda suka yi awon gaba da matar wacce ta fito ne daga karamar hukumar Ethiope East a jihar Delta.
Wata majiya ta bayyana cewa lamarin ya faru ne a ranar Litinin inda matar ta cakawa masoyin nata fasasshiyar kwalba.
Lamarin ya faru ne bayan da masoyin ya bita da adda biyo ganinta da yayi ta ziyarci gidan wani namiji.
Mai magana da yawun rundunar yan sandan jihar Edo, SP Chidi Nwabuzor ya tabbatar da faruwar lamarin.
