Wata mata mai rauni, Tamara Logan, ta kashe kanta bayan da ta samu wasika da ke nuna an rage mata kudin fansho da alawus, lamarin da daga bisani aka gano kuskure ne.
Tamara Logan, mai kimanin shekaru 28, ta rasu a babban asibitin Tameside a ranar 20 ga watan Mayun 2025. Mutuwarta ta faru ne kwanaki biyu bayan da aka same ta a gidanta a wani hali mai hatsari, inda aka garzaya da ita asibiti, sai dai daga baya ta rasu.
Jami’ai a ma’aikatar shari’a ta Birtaniya sun bayyana cewa Tun kafin faruwar lamarin, Tamara na da tarihin cutar da kanta.
Hukumar kula da ’yan fansho ta ce ta dauki bayanan da jami’ai suka bayar da muhimmanci. Daga bisani, hukumar ta fitar da cikakken bayani kan lamarin tare da tabbatar da cewa wasikar rage kudin fanshon da aka tura wa matar kuskure ce.
Wata Mata Ta Halaka Kanta Bayan Kuskuren Rage Mata Fansho A Birtaniya
