Wasu masu garkuwa da mutane sun faɗa hannun ƴan sanda a Kaduna

Rundunar yan sandan jihar Kaduna ta ce jami’anta sun kama wasu gawurtattun masu garkuwa da mutane su 4 da suka shahara  wajen yin garkuwa da mutane a yankin arewa maso yamma.

Bindiga  ƙirar AK-47 da kuma wata ƙaramar bindiga ƙirar gida aka gano daga wurin masu garkuwar.

A wata sanarwa da rundunar ƴan sandan jihar ta fitar mai magana da yawun rundunar ASP Mansir Hassan ya bayyana cewa a ranar 29 ga watan Mayu bisa dogaro da bayanan sirri da wani ɗan kasa nagari ya kwarmata musu haɗin gwiwar sintirin jami’an tsaro daga ofishin ƴan sanda na Saminaka da kuma ƙungiyar mafarauta dake ƙaramar hukumar Lere suka samu nasarar kama masu garkuwa da mutane da kuma satar shanu su uku.

Mai magana da yawun rundunar ya ce waɗanda aka kama sun haɗa da Isah Baffa Rabo mai shekaru 30 daga ƙauyen Maibindiga a ƙaramar hukumar Lere wanda yake da hannu a yin garkuwa da mutane a ƙananan hukumomin Zangon Kataf da Kachia dake jihar, Jafaru Saleh mai shekaru 30 da kuma Umar Musa mai shekaru 24 dukkansu sun fito daga ƙauyen Durimi dake Lere.

Mutanen sun amsa laifin yin garkuwa da mutane da kuma satar shanu biyu da suka sayarwa da wani Idris Abubakar da shima ya faɗa hannun jami’an tsaro.

More News

Muna aiki tukuru don kawar da aikata manyan laifuka a Najeriya—Tinubu ga Daraktan FBI

A ranar Juma’a ne shugaba Bola Tinubu ya karbi bakuncin daraktan hukumar binciken manyan laifuka ta kasar Amurka (FBI), Christopher Asher Wray, inda ya...

Sojojin sun kama wani mai safarar bindigogi a jihar Filato

Dakarun rundunar Operation Safe Haven dake aikin  samar da  tsaro a jihar Filato sun ka ma wani mai safarar  bindiga da ake nema ruwa...

Ƴan bindiga sun yi garkuwa da matafiya akan hanyar Abuja-Kaduna

Fasinjoji da dama ne aka bada rahoton an yi garkuwa da su bayan da ƴan fashin daji suka buɗe kan wata mota ƙirar bus...

Kotu ta yanke wa ɗansanda hukuncin kisa saboda laifin kisan kai

Wata babbar kotun jihar Delta dake zamanta a Asaba a ranar Talata ta yanke wa Sufeta Ubi Ebri na rundunar ‘yan sandan Najeriya hukuncin...