Hakkin mallakar hoto
Getty Images
Wasu kungiyoyin Premier sun amince a karkare kakar bana a wasu filayen, amma a cire maganar faduwa daga gasar 2019-20.
Mahukunta gasar cin kofin Premier sun sanar da kungiyoyi cewar amfani da filaye goma ne zai bayar da damar kammala wasannin shekarar nan.
Brighton ta ce ba ta amince ayi amfani da wasu filayen ba, domin yin hakan zai kassara darajar gasar Premier.
Kungiyoyin da ke kasan teburi sun ce ba a yi musu adalci ba da zarar an amince da karkare kakar bana a wasu filaye a matakin da suke na faduwa daga gasar.
Ranar 13 ga watan Maris aka dakatar da wasannin Premier saboda tsoron yada cutar korona.
Sai dai kuma dukkan kungiyoyin da ke buga gasar bana sun amince cewar suna fatan za a karkare wasanni 92.
Mahukunta gasar Premier na sa ran ci gaba da wasanin ba tare da ‘yan kallo ba, sannan sai an gwada ‘yan kwallo.
Liverpool wadda rabon ta lashe kofin Premier tun 1990, kuma ita ce kan gaba a kakar shekarar nan da tazarar maki 25 tsakaninta da Manchester City ta biyu.
