Wani babban jami’in tsaron Iran, Ali Larijani, ya yi gargaɗi ga tsohon shugaban Amurka Donald Trump, inda ya ce ya kamata ya yi hankali domin kada a “kawar da shi daga duniya”.
A wani saƙo da ya wallafa a shafinsa na X, Larijani ya bayyana cewa Iran ba ta jin tsoron abin da ya kira “barazanar Trump mara amfani.”
Ya ce, “Ko waɗanda suka fi ka ƙarfi ba su iya kawar da al’ummar Iran ba.”
Sai ya ƙara da cewa, “Ka yi hankali, kada a kai ga kawar da kai daga duniya.”
Rahotanni sun ce wannan furuci na Larijani ya biyo bayan wata barazana da Trump ya yi a dandalinsa na Truth Social, inda ya ce Amurka za ta ƙara tsananta hare-hare kan Iran idan har ba ta buɗe mashigar Hormuz ba.
Mashigar Hormuz na da matuƙar muhimmanci ga safarar man fetur a duniya, domin yawancin jiragen dakon mai na ratsa ta wajen kai mai zuwa kasuwannin duniya.
Wani Jami’in Tsaron Iran Ya Aika Saƙo Mai Zafi Ga Trump
