Shugaban ƙasa, Bola Ahmad Tinubu ya tashi daga filin jirgin saman Nnamdi Azikiwe dake Abuja akan hanyarsa ta zuwa ƙasar China.
Mai magana da yawun shugaban ƙasar, Ajuri Ngelale a cikin wata sanarwa da ya fitar ranar Alhamis ya ce shugaban ƙasar zai yada zango a ƙasar Haɗaɗdiyar Daular Larabawa akan hanyar ta sa.
” A ƙasar China shugaban ƙasar zai gana da shugaba Xi Jinping kuma zai gudanar da taro da ƴan kasuwar ƙasar ta China a wurin taron ƙasashen Afrika da China,” a cewar sanarwar.
Sanarwar ta ƙara da cewa Tinubu zai samu rakiyar wasu daga cikin manyan jami’an gwamnati.
Ziyarar ta Tinubu na zuwa ne ƴan kwanaki kaɗan bayan ziyarar da ya kai ƙasar Faransa.
