Shugaban ƙasa, Bola Ahmad Tinubu ya dawo gida Najeriya bayan da ya shafe mako biyu yana hutu a Birtaniya.
Shugaban ƙasar ya sauka a filin jirgin saman Abuja da maraicen ranar Asabar.
Olusegun Dada mataimakin shugaban ƙasa musamman kan soshiyal midiya shi ne ya sanar da haka a cikin wani sako da ya wallafa a shafinsa na X da aka fi sani da Twitter a baya.
A ranar 2 ga watan Oktoba ne shugaban ƙasar ya sanar da cewa zai fara gudanar da wani hutu na makonni biyu.
Bayan kwanaki 10 ne mai bawa shugaban ƙasar shawara kan harkokin siyasa, Kabiru Masari ya sanar da cewa Tinubu zai ta fi birnin Paris na ƙasar Faransa daga London.
A ranar Laraba ne mataimakin shugaban ƙasa, Kashim Shettima ya sanar da tafiyarsa ƙasar Sweden inda ya kai ziyarar aiki ta kwanaki biyu.
