Shugaban ƙasa, Bola Ahmad Tinubu ya yi kira ga majalisar dattawa da ta tabbatar da sunayen mutane 7 da ya tura majalisar da zai naɗa a matsayin ministoci a gwamnatinsa.
Buƙatar da Tinubu ya aikewa majalisar na ƙunshe ne cikin wata takarda da shugaban majalisar dattawan, Sanata Godswill Akpabio ya karanta a zaman majalisar na ranar Alhamis.
A ranar Laraba ne dai shugaban ƙasar ya sanar da sallamar wasu ministoci daga muƙaminsu tare da sanar da maye gurbinsu da wasu.
Wannan ne karon farko da shugaban ke yiwa majalisar ministocinsa garambawul tun bayan da aka rantsar da su shekarar da ta wuce.
