Sojojin Najeriya sun yi nasarar kashe ‘yan fashin daji uku a wani kwanton ɓauna da suka yi musu a yankunan Anka zuwa Dan Kapani a yankin ƙaramar hukumar Anka a jihar Zamfara.
Daraktan yaɗa labarai na hukumar tsaron Manjo Janar Musa Danmadami shi ne ya bayyana haka a wata sanarwa da ya fitar.
Manjo Janar Danmadami ya ce sojojin sun ƙwato bindiga ɗaya ƙirar PKT, da ƙirar AK- 47 guda uku tare da alburusai masu tarin yawa, da babura uku.
Sanarwar ta kara da cewa rundunar sojin ta yaba wa dakarun tare da kira ga al’umma da su riƙa bai wa jami’an sojin bayanan sirri kan ‘yan ta’addan da inda suka ayyukansu.
