Dakarun sojan Najeriya dake aiki a rundunar Operation Haɗin Kai wacce ke samar da tsaro a yankin arewa maso gabas sun samu nasarar hallaka wasu mayaƙan ƙungiyar ƴan ta’adda ta ISWAP su 23.
Dakarun dake aiki da shiya ta 3 a rundunar ƙasa da ƙasa ta MNJTF dake Manguno sune suka samu gagarumar wannan nasarar a wata fafatawa da suka yi da mayaƙan.
Nasarar da jami’an suka samu na daga cikin jerin nasarorin da suke cigaba da samu a ƴan watannin nan a yaƙin da suke da ƴan ta’addar.
