Dakarun rundunar sojan Najeriya na Birged Ta 21 dake aiki da rundunar Operationa Haɗin Kai dake aikin samar da tsaro a yankin arewa maso gabashin Najeriya sun samu nasarar kai wani harin kwanton ɓauna kan mayaƙan Boko Haram inda suka kashe mutum guda tare da jikkata wasu da dama.
Dakarun sun kai harin ne a kusa da garin Darel Jamel dake ƙaramar hukumar Bama ta jihar Borno.
Wata majiyar jami’an tsaron sirri ta faɗawa Zagazola Makama dake wallafa bayanai kan sha’anin tsaro kan yankin tafkin Chadi cewa an kai harin kwanton ɓaunar ne a ranar 13 ga watan Oktoba biyo bayan bayanan sirri da dakarun suka samu kan ayyukan ƴan ta’addan.
A yayin farmakin sojojin sun samu nasarar samun harsashi da dama.
