Rundunar tsaron haÉ—in gwiwa ta Operation Delta Safe ta ce ta kama wani jirgin ruwa mai suna MV Ofuoma da ma’aikatansa 10 dake dakon haramtacce tataccen man fetur a jihar Rivers.
John Siyanbade kwamandan wani bangare na rundunar ya ce jirgin ruwan sojan Najeriya mai suna Pathfinder shi ne ya kama MV Ofuoma a ranar 15 ga watan Agusta a tashar jirgin ruwa ta Abuoma dake Fatakwal.
Da yake magana a wurin a madadin Riya Admiral Olusegun Ferreira, Siyanbade ya ce ana amfani da jirgin ne wajen ajiye man fetur din da aka tace ta haramtacciyar hanya.
“Ana zubawa jirgin mai da ake zargin na Diesel ne daga wani karamin jirgin katako dake kusa da jirgin” ya ce.
A daidai lokacin da aka kama jirgin ya dibi kusan lita 20, 000 daga karamin jirgin kusan jumullar lita 35000 aka samu.
