Hedkwatar tsaron Najeriya ta ce sojojin ta ce dakarun soja a makon da ya wuce sun samu nasarar kama gawurtaccen ɗan fashin daji, Abubakar Ibrahim wanda aka fi sani da Habu Dogo a jihar Sokoto.
Daraktan Yaɗa labarai na hedkwatar, Janaral Edward Buba a wata sanarwa ranar Asabar ya ce an kama Habu Dogo ne a ƙauyen Rumji dake ƙaramar hukumar Illela ta jihar Sokoto.
A cewarsa Dogo ɗan ta’adda ne da jami’an tsaro suke nema ruwa a jallo a kasashen Najeriya da Nijar saboda laifukansa sun shafi ƙasashen biyu.
Har ila yau Buba ya ƙara da cewa dakarun sojan sun samu nasarar kama wasu kwamandodin ƙungiyar IPOB su bakwai a yankin kudu maso gabashin Najeriya.
Ya ce an kama su ne a jihohin Anambra, Abia da kuma jihar Imo.
